वसई विरार शहर महानगरपालिकेने कोरोना विषाणूचा प्रादुर्भाव रोखने कामी उपाययोजना म्हणून कोरोना विषाणूचा संसर्ग झालेले रुग्ण व संशयित व्यक्तींसाठी शहरातील विविध ठिकाणी अलगीकरण, विलगीकरण केंद्र उभारली आहेत. तसेच शहरातील काही खाजगी रुग्णालयातील ठराविक बेड अधिग्रहित करून कोरोनाबाधित रुग्णांवर महानगरपालिकेमार्फत उपचार केले जात आहेत. या केंद्रांमध्ये व रुग्णालयात रुग्णांच्या सेवेसाठी महानगरपालिकेच्या कायम सफाई कर्मचाऱ्यांची नेमणूक कऱण्यात आलेली आहे. परंतु महानगरपालिकेने अधिग्रहित केलेल्या रिद्धी विनायक हॉस्पीटल, नालासोपारा (प.) या रुग्णालयात नेमणूक केलेल्या कायम सफाई कर्मचाऱ्यांपैकी काही कर्मचारी कामचुकारपणा करत असल्यामुळे रुग्णांची गैरसोय होत असल्याचे मा.आयुक्त यांच्या निदर्शनास आल्यामुळे रुग्णालयात नेमणूक केलेल्या श्री.सोनू सरबटा, सफाई कामगार व श्री.चंदू सोलंकी, सफाई कामगार या दोन कर्मचाऱ्यांवर त्यांना नेमून दिलेल्या कामात कामचुकारपणा केल्याबद्दल मा.आयुक्त यांचेकडून आज दि.२८.०८.२०२० रोजी निलंबनाची कारवाई करण्यात आली.
