जिल्हा माहिती कार्यालयात पत्रकार दिन साजरा

पालघर दि. 06 :- जिल्हा माहिती कार्यालयामध्ये मराठी पत्रकार दिन साजरा करण्यात आला
जिल्हा माहिती अधिकारी राहूल भालेराव यांनी मराठी वृत्तपत्रसृष्टीचे जनक आचार्य बाळशास्त्री जांभेकर यांच्या प्रतिमेस पुष्पहार अर्पण करून अभिवादन केले.
यावेळी गंगाधर जामनिक, योगेश गायकवाड, लौकिक जाधव व बाबू पवार यांनीही आचार्य बाळशास्त्री जांभेकरांच्या प्रतिमेस पुष्प अर्पण करून अभिवादन केले.
आचार्य बाळशास्त्री जांभेकर यांनी 6 जानेवारी 1832 रोजी ‘दर्पण’ हे मराठी भाषेतील पहीले वृत्तपत्र काढून मराठी वृत्तपत्रांचा पाया रचला. पाश्चात्य विद्या व शिक्षण आत्मसात करून ‘दर्पण’च्या माध्यमातून बाळशास्त्री जांभेकरांनी समाजात नवी जीवनमुल्ये रूजविण्यात मोलाचे योगदान दिले. बाळशास्त्री जांभेकरांच्या या योगदानासाठी त्यांचा जन्मदिन ‘मराठी पत्रकार दिन’ म्हणून साजरा करण्यात येतो.