दि. २२/६ /२०१९. पालघर . डहाणू वैतरणा प्रवासी सेवाभावी संस्थेच्या शिष्टमंडळाने पालघरचे नवनिर्वाचित खासदार श्री राजेंद्र गावित ह्यांची भेट घेऊन प्रवाशांच्या विविध मागण्या खासदारांसमोर मांडल्या. ह्यप्रसंगी पश्चिम रेल्वेचे ZRUCC सदस्य श्री. सदानंद पावगी तसेच, शिवसेनेचे तालुका प्रमूख श्री विकास मोरे व हिमांशू वर्तक, विराग म्हात्रे , हृदयनाथ म्हात्रे हे रेल फँन उपस्थित होते.
पालघर लोकसभा मतदार संघातून बहुमताने खासदार म्हणून निवड झाल्या बद्दल श्री. राजेंद्र गावित ह्यांचे संस्थेतर्फे अभिनंदन करण्यात आले त्याच बरोबर प्रवाशांच्या विविध समस्यांशी त्यांना अवगत करण्यात आले.
*• विरार लोकल मधे रुपांतरीत करण्यात आलेली ९३०२७ ही डहाणू लोकल पुन्हा डहाणू लोकल मधे रुपांतरीत करणे.*
*• ९३०२८ ही डहाणू विरार लोकल अंधेरी पर्यंत नेणे.*
*• ९३०३५ ही सध्या विरार वरुन डहाणू साठी सुटणारी लोकल अंधेरी हून सोडणे.*
*• ५९४४१ व ५९४४२ ह्या दोन्ही विरमगाम पँसेंजर गाड्यांना वैतरणा स्थानकात थांबा देणे.*
*• पालघर आणि बोईसर स्थानकात एस्कलेटर बसवणे*
*• डहाणू स्थानकातील ४ आणि ५ क्रमांकाचे प्लँटफाँर्म १५ डब्याच्या गाडीच्या लांबी प्रमाणे विस्तारित करणे.*
*• पालघर आणि बोईसर स्थानकात मेल एक्सप्रेस गाड्यांच्या डब्यांची स्थिती कळण्यासाठी कोच इंडिकेटर्स बसवणे*
ह्या सर्व मागण्यांसंदर्भात माननिय खासदारांशी चर्चा करण्यात आली. ह्या सर्व मागण्यांसंदर्भात त्वरित कारवाई करावी अशा आशयाचे पत्र माननिय खासदार श्री राजेंद्र गावित ह्यांनी पश्चिम रेल्वेचे जनरल मँनेजर श्री ए. के. गुप्ता ह्यांना जारी केले. ह्या प्रसंगी डहाणू वैतरणा प्रवासी सेवाभावी संस्थेचे सहसचिव श्री प्रथमेश प्रभूतेंडोलकर व श्री. नागदेव पवार उपस्थित होते.
