वसई : वसई विरार महानगर पालिकेकडून पेल्हार विभाग प्रभाग समिती एफ मध्ये होणारी दिखावा कारवाई बंद करून रिचर्ड कंपाऊंड व उमर कंपाउंड मध्ये झालेल्या संपूर्ण अनधिकृत बांधकामांवर कारवाई करण्याची मागणी भारतीय जनता पार्टीचे वसई रोड चे अध्यक्ष उत्तम कुमार यांनी केली आहे. त्याच पार्श्वभूमीवर पालघर जिल्ह्याचे खासदार राजेंद्र गावित यांनी वसई विरार महानगरपालिकेचे आयुक्त बळीराम पवार यांना पेल्हार विभाग प्रभाग एफ येथील उमर कंपाउंड व रिचर्ड कंपाउंड येथे भूमाफियांकडून मोठ्या प्रमाणात अनधिकृत गळ्यांचे बांधकाम झाले असून यामध्ये मोठ्याप्रमाणात फसवणूक करून हे गाळे विकण्याचे काम भूमाफियांकडून सुरू आहे. व प्रभाग समिती एफ कार्यालयाकडून सोयीस्कर हितसंबंध जपत काही मोजकीच दिखावा कारवाई केली जात असल्याचीबाब लक्षात आणून दिली. यावर आयुक्त बळीराम पवार यांनी पुढील 4-5 दिवसांमध्ये संपूर्ण कारवाईचे आदेश दिले जातील. असे आयुक्त म्हणाले.
भाजपा वसई रोड मंडळाकडून मागील आठवड्यातच यासंबंधीचे पत्र विरोधी पक्ष नेते देवेंद्र फडणवीस तसेच पालिका आयुक्त बळीराम पवार , पेल्हार प्रभाग समिती एफ कार्यालयास दिले असल्याचे उत्तम कुमार यांनी यावेळी सांगितले. खासदार राजेंद्र गावित यांनी भाजपा वसई रोड मंडळाच्या कार्यालयास सदिच्छा भेट दिली होती. यावेळी संबंधित विषयावर पालिका आयुक्तांशी चर्चा झाल्याचे उत्तम कुमार यांनी सांगितले.
प्रभाग समिती एफ कडून होणाऱ्या कारवायांमध्ये अर्थशास्त्र जोडले आहे का? याचा तपास पालघर पोलिसांनी करावा अशी मागणी उत्तम कुमार यांनी यावेळी केली. काही मोजकीच बांधकामे कशी तोडली जातात? याचा तपास पालघर पोलीस प्रशासन व आयुक्त बळीराम पवार यांनी करणे गरजेचे आहे असे ही ते म्हणाले.
आयुक्त बळीराम पवार यांनी रिचर्ड कंपाउंड व उमर कंपाउंडमध्ये झालेल्या अनधिकृत बांधकामांवर जातीने लक्ष देऊन बांधकाम केलेल्या सर्व विकासकांवर गुन्हे दाखल करावे अशी मागणी उत्तम कुमार यांनी केली आहे. तब्बल 20 छायाचित्रेही सोबत जोडली आहेत. जे पाहिले की, केवढ्या भयावह, भयानक अश्या पध्दतीने हे अनधिकृत बांधकामांचे पेव वसई तालुक्यात सुटले आहे याचा आपल्याला अंदाज येईल असे ते म्हणाले.