वीज बिल न भरल्यामुळे वसई तहसीलदार यांच्या निवास स्थानच्या विद्युत पुरवठा खंडित केल्यानंतर जवळपास २ वर्षे चोरून वीज वापरली जात होती. सदर सदनिकमध्ये सध्या वसई तहसीलदार यांचे वास्तव्य नसले तरी सदर सदनिका सरकारने तहसीलदार यांच्याकरिता भाडे तत्वावर घेतलेली आहे. त्याचे भाडे सरकारी तिजोरीतून जाते. सध्या या सदनिकेमध्ये उप विभागीय कार्यालयातील महिला अधिकारी रहात आहेत. सदर सदनिकेत चोरीच्या विजेचा वापर केला जात असल्याची बाब उघड झाल्यानंतर १,६०,०००/- चे देयक महावितरण कंपनीकडून देण्यात आले असून २ दिवसात देयक न भरल्यास गुन्हा दाखल केला जाईल असे महावितरण अधिकाऱ्यांनी सांगितले.
वसई तहसीलदारांच्या नावे नोंद असलेल्या सदनिकेत वीज चोरी ही अत्यंत गंभीर बाब असून सदर बाबत कठोर कारवाई होणे आवश्यक आहे.
आत्मशांती अपार्टमेंट पापडी येथील सदनिका वसई तहसीलदार यांच्या नावे शासनाकडून भाडे तत्वावर घेण्यात आलेली असून सदर सदनिकेत वसईच्या तहसीलदार राहात नाहीत. या सदनिकेत उप विभागीय अधिकारी कार्यालयातील अधिकारी वास्तव्यास आहेत. २ वर्षांपूर्वी वीज देयक न भरल्या मुळे सदर सदनिकेचा वीज पुरवठा खंडित करण्यात आला होता. त्यानंतर विजेचे देयक न भरता चोरून वीज वापरली जात होती. सदर वीज चोरी प्रकरणी महावितरण कंपनीने सदनिकाधारकाच्या नावे १,६०,०००/- चे देयक काढण्यात आले असून २ दिवसात सदरचे देयक न भरल्यास गुन्हा दाखल करण्याचा इशारा महावितरण कंपनीतर्फे देण्यात आला आहे.
जी सदनिका तहसीलदार यांच्या नावे आहे त्या सदनिकेत चोरीची वीज वापरली जाते ही लज्जास्पद बाब असून सदर प्रकरणी महावितरण कंपनीने कठोर कारवाई करावीत ?. तसेच तहसीलदार यांच्या वर लाखो रु. जमा करण्याचे आरोप आहे ,तहसीलदार हद्दीत लाखोंच्या संख्येने अनधिकृत बांधकामे झाली आहेत. अवैध भरणी, चोरीची रेती, अवैध डोंगर उत्खनन असे अनेक अवैध चालविणाऱ्या नावाला कलंक लावणारे हे वीजचोरीचे प्रकरण ?… सध्या तर तालुक्यातील अनेक वृत्तपत्रांनी उज्वला भगत यांच्या विरोधात आघाडी राळ उठविली असून हा एक मुद्दा वृत्तपत्रांच्या हाती लागला आहे.
