वसई(प्रतिनिधी)-सासरकडून हुंड्यासाठी वारंवार जाच होत असल्याने एका
विवाहीतेने विष पिऊन आत्महत्या करण्याचा प्रयत्न केल्याची घटना उघडकीस आली आहे.प्रिया भोये असे त्या विवाहीतेचे नाव आहे.दरम्यान प्रिया भोये यांनी हुंड्यासाठी सासरकडून होणाऱ्या जाचा बद्दल पालघर पोलीस अधीक्षक यांच्याकडेही दाद मागितली होती.त्यांनी सासू गिरीजा भोये,सासरे दिनकर भोये,नंदा अस्मिता अंबरसडा,जागृती वड,कल्याणी बसवत,तसेच आत्या सासू नंदा पारधी यांच्याविरोधात तक्रारही दाखल केली होती.परंतु त्यांच्या कडून संबंधितांवर कोणतीही कारवाई न झाल्याने अखेर प्रिया यांनी आत्महत्येचा मार्ग निवडला.
त्यांच्यावर वसईतील पालिका रुग्णालयात उपचार सुरू आहेत.विशेष म्हणजे प्रिया भोये यांचे पती हे नालासोपारा येथे शिवसेनेचे पदाधिकारी असल्याची माहिती समोर येत आहे. एकीकडे हुंड्यासारख्या प्रथा बंद व्हाव्यात यासाठी शासन स्थरावर प्रयत्न होत असताना स्थानिक पोलीस प्रशासन मात्र या प्रकाराला खतपाणी घालताना दिसत आहे.