श्री दत्त मंदिराच्या जिर्णोद्धाराकरिता सदगुरु चषक २०२२ चे आयोजन …

ठाणे : ( विशाल मोरे )

दापोली तालुक्यातील श्री सदगुरु सेवा मंडळ दाभीळ मोरेवाडी संलग्न सदगुरु क्रिकेट क्लब यांच्या वतीने रविवार दि.८ मे २०२२ रोजी सकाळी ७ वा पटणी मैदान कळवा,ठाणे येथे भव्य दिव्य ओव्हर आर्म क्रिकेट स्पर्धेचा महासंग्राम होणार असून दापोली तालुक्यातील तसेच अन्य तालुक्यातून विविध क्षेत्रातील दिग्गज मान्यवर सदर स्पर्धेला उपस्थित राहणार आहेत. सदर स्पर्धेत एकूण २४ संघाचे स्थान निश्चित करण्यात आले असून प्रथम प्राईज रु १८०००/- ,द्वितीय प्राईज रु ९०००/- तसेच आकर्षक विविध चषक बक्षीस स्वरुपात ठेवण्यात आलेले आहेत.
ही स्पर्धा श्री दत्त मंदिराच्या जिर्णोद्धाराकरिता निधी संकलनाकरिता आयोजित केलेली असून हस्ते – परहस्ते ज्यांनी मोलाचे योगदान दिले आहे त्यांचे उपरोक्त मंडळाकडून आभार व्यक्त करण्यात येत आहेत.
सदर स्पर्धेचे नियोजन हे अंतिम टप्प्यात असून सर्वांचेच लक्ष या स्पर्धेकडे लागले आहे.
सदर स्पर्धेला क्रिडा प्रेमीयांनी मोठ्या संख्येने आवर्जून उपस्थित राहण्याचे आवाहन उपरोक्त मंडळाकडून करण्यात आलेले आहे.