वसई विरार शहर महानगरपालिका कार्यक्षेत्रातील प्रभाग समिती ‘सी’ कार्यक्षेत्रातील सर्व्हे नं.८६, हि.क्र.३, फुलपाडा, विकास नगर डोंगरी या ठिकाणी ३००० चौ.फुट क्षेत्रफळ असलेल्या एका अनधिकृत बांधकाम केलेल्या इमारतीवर महानगरपालिकेकडून निष्कासनाची कारवाई करण्यात आली.
प्रभाग समिती ‘सी’ चंदनसार अंतर्गत सर्व्हे नं.८६, हि.क्र.३, फुलपाडा, विकास नगर डोंगरी, विरार पूर्व या ठिकाणी अनधिकृत बांधकाम सुरु असल्याच्या प्राप्त तक्रारीच्या अनुषंगाने प्रभाग समिती ‘सी’ चे प्र.सहा.आयुक्त श्री.गणेश पाटील यांनी सदर ठिकाणी भेट देऊन ३००० चौ.फुट क्षेत्रफळ असलेल्या अनधिकृत बांधकाम केलेल्या इमारतीवर अनधिकृत बांधकाम विभागाच्या कर्मचाऱ्यांच्या मदतीने गॅस कटरद्वारे निष्कासनाची कारवाई सुरु केली. या कारवाईच्या वेळी प्रभाग समिती ‘सी’ चे प्र.सहा.आयुक्त गणेश पाटील, प्रभाग ‘सी’ अतिक्रमण विभाग प्रमुख विजय गोतमारे, महाराष्ट्र सुरक्षा दलाचे जवान व अतिक्रमण विभागाचा कर्मचारी वर्ग उपस्थित होता.
महानगरपालिका आयुक्त श्री.अनिलकुमार पवार, अति.आयुक्त श्री.आशीष पाटील यांच्या निर्देशानुसार तसेच अनधिकृत बांधकाम विभाग उप-आयुक्त श्री.अजित मुठे यांच्या मार्गदर्शनाखाली महानगरपालिका क्षेत्रातील अनधिकृत बांधकामे निष्कासीत करण्याची मोहीम मोठ्या प्रमाणात हाती घेण्यात आली आहे.
