प्रतिनिधी(वसई)-वसई येथील सेंट गोंसालो महाविद्यालयात महानगरपालिकेने बनविलेले कोविड सेंटर व वसई तहसीलदार कार्यालयाकडून महाविद्यालयात ठेवण्यात आलेला धान्याचा साठा हलविण्यात यावा, असे पत्र महाविद्यालयाने महानगरपालिका आयुक्त तसेच वसई तहसीलदार यांना दिले आहे.
सेंट गोंसालो गार्सिया महाविद्यालयात महानगरपालिकेने कोविड सेंटर सुरू केले होते. सदर कोविड सेंटरमुळे महाविद्यालयाला अनेक गैरसोयी होत आहेत. त्यामुळे सदर कोविड सेंटर हलविण्याबाबत दि. २७.११.२०२० रोजी महाविद्यालयाने आयुक्त वसई विरार शहर महानगरपालिका यांना पत्र दिले आहे. त्याच प्रमाणे वसई तहसीलदार कार्यालयाने महाविद्यालयात धान्याचा साठा नेऊन ठेवला. सदर धान्याचा साठा हलविण्याबाबत दि. ९.२.२०२१ रोजी महाविद्यालयाने तहसीलदार वसई यांना पत्र दिले आहे.
मुळात प्रश्न असा आहे की, धान्याचा साठा ठेवण्याकरिता सरकारी मालकीची वा भाडेतत्वावर गोदामे असायला हवीत. सेंट गोंसालो गार्सिया महाविद्यालयात धान्याचा साठा ठेवण्या संदर्भात आवश्यक ती कायदेशीर प्रक्रिया पूर्ण केली गेली आहे काय? कोणतेही शासकीय काम मंजुरी शिवाय होत नाही. सदर बाबत वरिष्ठांनी संपूर्ण चौकशी करून कायदेशीर कारवाई करावी.
सेंट गोंसालो महाविद्यालयात शासकीय धान्याचा साठा ठेवण्यात आल्याबाबत माहिती मिळताच युवा शक्ती एक्सप्रेसच्या कार्यकारी संपादिका रुबीना मुल्ला यांनी संबंधित अधिकाऱ्यांकडे विचारणा करताच अधिकाऱ्यांची तारांबळ उडाली. सदर प्रकरणात कोंडी होणार हे निदर्शनास येताच सेंट गोंसालो गार्सिया महाविद्यालयातून धान्याचा साठा इतरत्र हलविण्यात येत आहे.