प्रतिनिधी : वसई तहसील कार्यालयात अनेक खाजगी लोक काम करीत असून आज सुटीच्या दिवशी या खाजगी लोकांकडून कामे करून घेतली जात असल्याची खबर पत्रकारांना मिळाल्यावरून पत्रकारांनी हल्लाबोल करून पुरवठा अधिकारी रोशन कापसे यांना चांगलेच फैलावर घेतले.
वसई तहसील कार्यालयात बेकायदेशीरपणे अनेक खाजगी लोक काम करतात. सदर प्रकरणी वारंवार तक्रारी करून पाठपुरावा केल्यानंतर शासकीय कार्यालयातून खाजगी कर्मचाऱ्यांना काढून टाकण्याबाबत तहसीलदार उज्वला भगत यांनी आदेश काढला. मात्र प्रत्यक्षात या आदेशावर कोणताही अमल झाला नाही.
आज शासकीय सुट्टी असताना तहसील कार्यालयात खाजगी कर्मचाऱ्यांकडून पुरवठा अधिकारी रोशन कापसे काम करून घेत असल्याची खबर वसईतील पत्रकारांना मिळाल्यावरून पत्रकारांना तहसील कार्यालयावर हल्लाबोल करून कार्यालयात बसून कामे करणाऱ्या खाजगी कर्मचाऱ्यांचे चित्रीकरण केले. सदर प्रकरण शेवटी वसई पोलिस स्टेशनमध्ये गेले. वसईच्या तहसीलदार उज्वला भगत यांना पोलिस स्टेशनमध्ये जावे लागले. सदर प्रकरण पुढे काय काय वळण घेते ते लवकरच कळेल.