प्रतिनिधी – कोरोना महामारी मुळे राज्यात कडक टाळे बंदी असताना शासकीय कार्यालयांमध्ये कमी उपस्थिती असताना वसई तहसील कार्यालय सर्वसामान्य जनतेसाठी पूर्णतः बंद आहे मात्र दलालांसाठी खुले आहे. वसई तहसील कार्यालयात दलाल खुल्लम खुल्ला फाईल घेऊन फिरत असताना दिसतात व अधिकाऱ्यांना लाच देऊन कामे करून घेताना दिसतात.
वसई तहसील कार्यालयाचा फेरफटका मारला असता कार्यालयात दलाल व अधिकारी आणि काही कर्मचारी दिसतात. कोरोनाचा प्रादुर्भाव वाढल्यामुळे राज्यात कडक टाळेबंदी लावण्यात आली आहे. अनेक सरकारी कार्यालयांमध्ये नाममात्र उपस्थिती आहे. सर्वसामान्य जनतेकरीता सरकारी कार्यालयांमध्ये प्रवेश बंद असला तरी दलालांकरिता प्रवेश आहे. वसई तहसील कार्यालयात दलालांचा सुळसुळाट पहावयास मिळतो. दलाल अधिकाऱ्यांना पैसे देऊन आपली कामे करून घेत आहेत. सर्व सामान्य जनतेला प्रवेश नाही मग दलालांना प्रवेश कसा काय? दलालांना कोरोनाची भीती नाही. दलालांकडून अधिकाऱ्यांना माल मिळत असल्यामुळे त्यांची कामे अधिकारी करून देतात.
सदर बाबत जिल्हाधिकाऱ्यांनी त्वरित दखल घेऊन कारवाई करावी.