प्रतिनिधी : वसई तालुक्यातील पोमण ग्राम पंचायत हद्दीतील पोमन सर्वे नंबर १८३ येथे भिंत कोसळून मजूर मृत्यूमुखी पडल्याच्या प्रकरणात मोठी सेटिंग करून प्रकरण दाबले गेल्याचे वृत्त आहे.
वसई तालुक्यातील पोमण ग्राम पंचायत हद्दीत प्रचंड अनधिकृत बांधकामे झाली असून सदर बांधकामांपैकी पोमण सर्वे नंबर १८३ येथे बांधकाम चालू असताना भिंत कोसळून २ मजूर मृत्युमुखी पडले. सदर प्रकरणी कोणतीही कारवाई झाल्याची नोंद नाही. सदर प्रकरणी सखोल चौकशी व्हावी. सदर प्रकरणात समाजसेेेेवक ,पक्ष यानी आवाज उठविला होता. काही वृत्तपत्रांमध्ये बातम्या ही प्रसिद्ध झाल्या. फेब्रुवारी २०२१ ची ही घटना असून आतापर्यंत सदर प्रकरणी कोणतीही कारवाई झाली नाही.
वसई तहसीलदार उज्वला भगत, वालीव पोलीस निरीक्षक विलास चौगुले यांनी सदर बाबत कारवाई का केली नाही?
वसई तालुक्यात जिकडे तिकडे अनधिकृत बांधकामे पहावयास मिळतात. सदर बांधकामांवर तहसीलदार कारवाई का करीत नाहीत.? पोमण सर्वे नंबर १८३ येथील अनधिकृत बांधकामांवर कारवाई करण्याबाबत पोमण ग्राम पंचायतीचे ग्राम विकास अधिकारी यांनी जिल्हाधिकारी पालघर यांना दि. १०/२/२०२१ रोजी पत्र दिले आहे. सदर पत्राच्या प्रती उप विभागीय अधिकारी, तहसीलदार, गट विकास अधिकारी, वालीव पोलीस निरीक्षक यांना दिल्या आहेत. मात्र याबाबत कोणतीही कारवाई होत नाही. अंदाधुंद भ्रष्टाचार चालू आहे. अधिकाऱ्यांना केवळ पैसा कमवायचा आहे. कोणाचा बळी जातो आणि काय या विषयी अधिकाऱ्यांना काही देणं घेणं नाही.
सदर प्रकरणी लाच लुचपत प्रतिबंधक विभागाकडून सखोल चौकशी व्हावी व दोषींवर कठोर कायदेशीर कारवाई व्हावी.
