वसई, दि.१७ ( प्रतिनिधी ) कोरोना विषाणूच्या पार्श्वभूमीवर वसई-विरार जिल्हा युवक काँग्रेसचे अध्यक्ष कुलदीप दिनेश वर्तक यांनी दि.१७ जून २०२१ रोजी काँग्रेस नेते स्वर्गीय मायकल फुटर्याडो यांच्या चौथ्या पुण्यतिथी निमित्त रक्तदान शिबिराचे आयोजन केले होते. भारतरत्न स्वर्गीय राजीव गांधी ब्लड बँक तर्फे या शिबिराचे आयोजन करण्यात आले होते. या शिबिरात १३ रक्तदात्यांनी रक्तदान केले. या शिबिराला वसई विरार जिल्हा काँग्रेस चे अध्यक्ष ओनिल आलमेडा ,काँग्रेस नेते विजय पाटील , बिना फुटर्याडो यांनी स्वर्गीय मायकल फुटर्याडो यांच्या चौथ्या पुण्यतिथी निमित्त त्यांच्या स्मृतींना उजाळा देत अभिवादन केले. राज्यात रक्तपेढीत तुटवडा भासल्याने रक्तदान करणे , शिबिर घेणे गरजेचे झाले होते. गरजूंना वेळेत पुरेशे रक्त उपलब्ध व्हावे यासाठी महाराष्ट्र प्रदेश युवक काँग्रेसच्या वतीने प्रदेश अध्यक्ष सत्यजित तांबे यांनी महाराष्ट्र भर रक्तदान करण्याचे युवक काँग्रेस च्या पदाधिकाऱ्यांना आव्वाहन केले होते. प्रत्येक रक्तदात्याला वेगळी वेळ देऊन गर्दी होणार नाही याची काळजी घेण्यात आली. २८ मार्च २०२० वसई विरार जिल्हा युवक काँग्रेसनि रक्तदान करण्याची मोहीम सुरू केली. आज वसई विरार जिल्हा युवक काँग्रेस तर्फे सहावे रक्तदान शिबिर अण्णासाहेब वर्तक सभागृह काँग्रेस भवन वसई पारनाका येथे आयोजित करण्यात आले होते. या शिबिराला वसईत उत्स्फूर्त प्रतिसाद मिळाला. या प्रमाणेच समाजातील इतर नागरिकांनी रक्तदानासाठी समोर येऊन सामाजिक कार्यात सहभाग नोंदविण्याची गरज आहे.यामुळे गरजूंना वेळेत रक्त मिळण्यास मदत होईल. वसईत आज पावसाचे प्रमाण जास्त असूनही स्व. मायकल फुटयार्डो यांच्या प्रेमापोटी रक्तदात्यांनी शिबिरात येउन रक्तदान केले. त्यामुळे वसई विरार जिल्हा युवक काँग्रेसचे अध्यक्ष कुलदीप वर्तक यांनी सर्व रक्तदात्यांचे आभार मानले. ह्या शिबिरात एरेल फुटयार्डो , बिपीन कुटीनो, राजू गव्हाणकर, दिनेश कडुळकर, शिलू परेरा, प्रवीणा चौधरी, राधा अय्यर, लक्ष्मी मुटभटकर, अनिकेत पाटील , क्रिटल नाडर , उपस्थित होते , या शिबिरास युवक काँग्रेसचे सरचिटणीस रोलन्ड लोपीस , अंकिता वर्तक , सुजय खैरे यांचे विशेष सहकार्य लाभले.