प्रतिनिधी : वसई तहसील अंतर्गत माणिकपूर मंडळ गोखिवरे तलाठी कार्यक्षेत्रात मधुबन येथे अवैध माती भराव प्रकरणात वसई तहसील कार्यालयातील मोठ्या अधिकाऱ्याने १५ लाखाची तोडपाणी केल्याचे विश्वसनीय वृत्त आहे.
याबाबतची अधिक माहिती अशी की, वसई तहसील अंतर्गत माणिकपूर मंडळ गोखिवरे तलाठी कार्यक्षेत्रात मधुबन येथे अवैध माती भराव प्रकरणी माणिकपूर मंडळ अधिकाऱ्यांनी तहसीलदार यांना दि. ३/५/२०२१ रोजी अहवाल दिला असून सदरबाबत अद्यापपर्यंत तहसील कार्यालयाकडून कोणतीही कारवाई झालेली नाही. या संदर्भात आमच्या सूत्रांनी खात्रीलायक माहिती हाती आली आहे की, सदर प्रकरणी कारवाई न करण्याकरिता तहसील कार्यालयातील एका मोठ्या अधिकाऱ्याने १५ लाख रुपयांची तोडपाणी केली आहे. सदर प्रकरणी लाचलुचपत प्रतिबंधक खात्याने सखोल निष्पक्ष चौकशी करून कारवाई करावी.
