प्रतिनिधी :
कोरोना साथीच्या विषाणूंमुळे सर्व उद्योगधंदे बंद व देशात, राज्यात टाळेबंदी असताना वसई तालुक्यातील कामण येथे भजनलाल सन्स स्टुडिओजवळ सेट उभारण्यात आला असून चित्रीकरण चालू आहे. सदर चित्रीकरणाला मान्यता घेण्यात आली नसून प्रशासनाने कायदेशीर कारवाई करावी.
याबाबत अधिक माहिती अशी की, वसई तालुक्यातील कामण ग्राम पंचायत हद्दीत भजनलाल सन्स स्टुडिओजवळ सेट उभारण्यात आला असून तेथे मैडम सरजी या मालिकेचे चित्रीकरण चालू आहे. देशात व राज्यात टाळेबंदी असताना तमाम उद्योगधंदे बंद असताना फिल्मी स्टुडिओ मात्र चालू आहे आणि त्या स्टुडिओमध्ये बिनधास्त चित्रीकरण चालू आहे.
सदर चित्रीकरणाला परवानगी घेण्यात आलेली नसून प्रशासनाने याप्रकरणी उचित कारवाई करावी. वसई विरार शहर महानगरपालिका प्रभाग समिती जी कार्यालयाचे सहाय्यक आयुक्त सुभाष जाधव यांना याबाबत विचारले असता सदर चित्रीकरणाला परवानगी देण्यात आली होती. मात्र सध्या चित्रीकरण बंद आहे, असे उत्तर त्यांनी दिले. मात्र मुळात प्रश्न असा आहे सर्व उद्योग धंदे बंद असताना चित्रीकरणाला परवानगी कशी दिली जाते. सदर प्रकरणात मोठा आर्थिक व्यवहार झाला असून सहाय्यक आयुक्त सुभाष जाधव यांना मालपाणी मिळालेले आहे.
