प्रतिनिधी:
जातीचे खोटे प्रमाणपत्र सादर करून निवडणूक लढविल्या प्रकरणी सत्पाळ्याच्या सरपंच सौ. संगीता भंडार यांच्यावर गुन्हा दाखल करण्याची मागणी भारताचा मार्क्सवादी लेनिनवादी पक्षाने केली आहे.
याबाबतची अधिक माहिती अशी की, सत्पाळा ग्राम पंचायतीच्या सरपंच सौ. संगीता भंडार रा. गोवारीपाडा विरार (प.) यांनी जानेवारी २०२१ मध्ये झालेल्या सार्वत्रिक निवडणुकीत जातीचे बनावटी प्रमाणपत्र सादर करून निवडणूक लढविली आहे. सदर बनावटीचे प्रमाणपत्र प्रकरणी निवडणूक आयोगाने सखोल निष्पक्ष चौकशी करून कायदेशीर कारवाई करण्याची मागणी भारताचा मार्क्सवादी लेनिनवादी पक्षाचे पालघर जिल्हा कमिटी सदस्य कॉ. शेरू हैदर वाघ यांनी केली आहे. सदर प्रकरणी त्यांनी मुख्य निवडणूक आयुक्त महाराष्ट्र राज्य, तहसीलदार वसई, गटविकास अधिकारी पंचायत वसई यांना पत्र दिले आहे. बनावटी जात प्रमाणपत्र सादर करून सरपंच पदी निवडून आलेल्या सौ. संगीता भंडार यांनी पदाचा गैर वापर करून बेकायदेशीर कामे करण्याचा सपाटा चालविला आहे. तरी सदर प्रकरणी सखोल निष्पक्ष व उच्चस्तरीय चौकशी करून फौजदारी गुन्हा दाखल करण्याची मागणी केली आहे.
