दिवाळी या पर्व निमित्त हिंदी मासिक स्त्री दर्पण चे प्रथम प्रकाशन कार्यक्रम संपन्न

वसई, प्रतिनिधी : हिंदी मासिक “स्त्री दर्पण” दिवाळी विशेषांक २०२१ च्या पहिल्या अंकाचा प्रकाशन कार्यक्रम वसई-विरार शहर महानगरपालिकेचे प्रथम महिला महापौर सौ. प्रविणाताईंच्या विरार येथील कार्यालयात त्यांच्या शुभ हस्ते प्रकाशित करण्यात आले. या प्रकाशन सोहळ्यात मासिकाच्या मुख्य संपादक तहेसीन चिंचोलकर, मासिकाच्या सहसंपादिका विभावरी देसाई, साप्ताहिक युवाशक्ती एक्सप्रेसचे कार्यकारी संपादक सौ. रुबिना मुल्ला, मासिकाच्या सदस्या सौ. वैद्य, प्रणाली, उपस्थित होते. स्त्री दर्पणच्या संपादकाने प्रविणाजींना दिवाळीच्या शुभेच्छा देताना त्यांच्याशी संवाद ही साधला त्यावेळी ताईंनी स्त्री दर्पणच्या माध्यमातून महिलांच्या विविध पैलूंवर आपले वचार मांडले. प्रविणजींनी आपल्या विचारशैलीत स्त्री दर्पणला सहकार्य करताना संपूर्ण टीम व महिला वर्गाच्या जागृती व पुढील वाटचाली साठी शुभेच्छा दिल्या.
तसेच बहुजन विकास आघाडी चे मा. लोकनेते आमदार हितेंद्र ठाकूरजी व पक्षाचे संघटक मा. आजीव नाना पाटील यांची ही कार्यालयात भेट घेऊन त्यांना स्त्री दर्पण चे अंक दिले. यावेळी लोकनेते व आजीव नाना पाटील यांनी स्त्री दर्पण च्या संपूर्ण टीमला पुढील वाटचाली साठी शुभेच्छा दिल्या.

प्रथम महिला महापौर प्रविणाजी ठाकूर यांच्या सोबत ज्युपिटर पब्लिकेशनचे (MD) व स्त्री दर्पणचे मुख्य संपादिका तेहसीन चिंचोळकर(पठाण) छायाचित्रात दिसत आहे.