पनवेल, दि.27 (संजय कदम) ः पनवेल येथील लाईफ लाईन हॉस्पिटलमध्ये उपचार घेणार्‍या रुग्णांसाठी अचानकपणे ऑक्सिजन पुरवठा कमी पडत चालला होता. अशावेळी नवी मुंबई गुन्हे शाखेची पोलीस यंत्रणा त्यांच्या मदतीला धावून आली व काही तासातच हा ऑक्सिजन पुरवठा सुरळीत केल्याने अनेक रुग्णांचे प्राण बचावले आहेत.
पनवेल लाईफ लाईन हॉस्पिटलमध्ये कोविड रूग्ण उपचारासाठी बेडची सुविधा असून बरेच रूग्णांना ऑक्सीजन चालु आहे. विशेषता पनवेल येथे लाइफ लाइन हॅास्पिटल येथे नवीमुंबई, रायगड, महामार्ग येथील 15 पोलीस व त्यांचे कुटुंबिय उपचार ही घेत आहेत. रूग्णालयातील उपचार घेत असलेल्या ऑक्सिजन कमतरता असल्याने रूग्णांना केवळ 4/5 तास पुरेल एवढा ऑक्सीजन साठा उपलब्ध होता, ऑक्सीजन साठी हॅास्पिटलचे अधिकारी यांची युद्धपातळीवर धावपळ सुरू होती वेळेवर ऑक्सीजन उपलब्ध झाला नाही तर रूग्णांना इतर हॅास्पिटलमध्ये हलवावे लागण्याची भयंकर परस्थिती निर्माण झाली होती. अशा वेळी हॅास्पिटलचे डायरेक्टर पराग बेडसे यांनी नवी मुंबई पोलीसांकडे ऑक्सीजन पुरवठ्यासाठी विनंती केली. डॉ.बी.जी.शेखर पाटील यांना याबाबत माहीती मिळताच त्यांनी गुन्हे शाखेतील सहाय्यक पोलीस आयुक्त विनोद चव्हाण व वरिष्ठ पोलीस निरीक्षक बाळासाहेब कोल्हटकर यांचेवर तात्काळ ऑक्सीजन उपलब्ध करून देण्याची जबाबदारी सोपविली. वरिष्ठ पोलीस निरीक्षक कोल्हटकर व त्यांचे सहकारी अंमलदार सतिष सरफरे व अतिष कदम यांचे सहकार्याने महापे येथे ऑक्सीजन पुरवठा करणारे कंपनीमध्ये समक्ष जाऊन चर्चा करून 25 ऑक्सिजनचे कमर्शियल गॅस सिलेंडर 40 रूणांना दोन ते तिन दिवस पुरतील एवढे उपलब्ध करून लाइफ लाइन हॅास्पिटल पनवेल येथे विनामुल्य पाठवुन वेळेवर मदत केल्याने रूग्णांना जीवनदायी ऑक्सीजन पुरवठ्याचे संकट दुर करून एक सामाजिक बांधिलकी जपली. तसेच तेथे नियमित ऑक्सीजन पुरवठा करण्यास सर्व कंपनीस सांगितले आहे. याबद्दल लाइफ लाइन हॅास्पिटलचे डायरेक्टर पराग बेडसे ह्यांचे व त्यांना सहकार्य करणारे देवदूत विनोद चव्हाण व वरिष्ठ पोलीस निरीक्षक बाळासाहेब कोल्हटकर ह्यांचे सर्व रूग्ण व त्यांचे नातेवाईकांनी नवी मुंबई पोलीसांचे, आरोग्यविभाग ह्यांचे मनापासून आभार मानले आहेत.