वसई :
तुंगारफाटा-सातीवली परिसरातील आयमा इंडस्ट्री टॉप टेन समोर सुरू असलेले बांधकाम हे स्थानिक नागरिकांच्या तक्रारीनुसार अनधिकृत असल्याचा आरोप पुढे आला आहे. वसई-विरार शहर महानगरपालिका प्रभाग समिती जी हद्दीत हे बांधकाम सुरू असून, संबंधित प्रकरणी प्रभाग समितीचे सहाय्यक आयुक्त श्री. निलेश म्हात्रे यांनी तत्काळ चौकशी करून कायदेशीर कारवाई करावी, अशी मागणी होत आहे.
महापालिका अधिनियम व बांधकाम नियमांनुसार परवानगीशिवाय उभारण्यात आलेली कोणतीही रचना अनधिकृत ठरते. यावर पालिकेला नोटीस बजावणे, काम थांबवणे व आवश्यक असल्यास पाडकामाची कारवाई करण्याचा अधिकार आहे. तथापि, या प्रकरणात पालिकेकडून त्वरित कारवाई होईल का, याकडे परिसरातील नागरिक व सामाजिक कार्यकर्त्यांचे लक्ष लागले आहे.
स्थानिकांनी असा सवाल उपस्थित केला आहे की, परवानगीविना उभारण्यात येणाऱ्या बांधकामांवर पालिका कठोर पावले उचलत नसल्याने अनधिकृत इमारतींचा फैलाव वाढतो आहे. त्यामुळे प्रशासनाने ‘नियम एकसमान आणि कारवाई ठोस’ या तत्त्वावर कार्यवाही करण्याची अपेक्षा नागरिकांकडून व्यक्त होत आहे.