माहीम येथील एका अल्पवयीन मुलींवर सामूहिक बलात्कार केल्या प्रकारणी आठ तरुणांना सातपाटी सागरी पोलिसांनी अटक केली असून विविध कलमासह पोस्को गुन्हा दाखल करण्यात आला.आरोपींना न्यायालयाने ….. दिवसाची ….. कोठडी सुनावली.या प्रकरणाने परिसरात भीतीचे वातावरण पसरले आहे.
पालघर तालुक्यातील माहीम येथे वास्तव्य करणारी एक अल्पवयीन तरुणी आपल्या मित्रासह किनाऱ्या लगतच्या टेंभी परिसरात गेली असता निर्जन ठिकाणी असणाऱ्या बंगल्यांमध्ये आठ तरुणांनी तिच्यावर रात्रभर बलात्कार केला आणि शनिवारी सकाळी या मुलीला भीती दाखवून पालघर जवळील माहीम हरणवाडी परिसरात सोडून देण्यात आले.आपली मुलगी रात्रभर घरी न आल्याने तसेच मोबाईल संपर्क होत नसल्याने तिच्या पालकांनी पोलिसांकडे काल दुपारी फिर्याद दाखल केली. मुलीचे वय व प्रकरणातील गांभीर्य लक्षात घेऊन मुलीचे मोबाईल लोकेशन द्वारे सातपाटी पोलीस त्या ठिकाणा पर्यंत पोहोचले व मुलीला ताब्यात घेतले.या मुलीवर प्राथमिक वैद्यकीय उपचार केल्यानंतर तिच्या पालकांसमक्षतीला विश्वासात घेऊन दोषी असणाऱ्या तरुणांचा तपशील गोळा केला.त्यानंतर अनिल विभुते, पोलीस निरीक्षक स्थानिक गुन्हे शाखा पालघर व प्रेमनाथ ढोले, सहायक पोलीस निरीक्षक सातपाटी पोलीस ठाणे यांची वेगवेगळी तपास पथके तयार करून तपास सुरू केला.या सर्व आरोपींना सायंकाळी उशिरापर्यंत ताब्यात घेतले. आरोपींवर विविध कलमासह पोस्को गुन्हा दाखल करून न्यायालयात हजर केले असता ……. दिवसाची …..कोठडी सुनावण्यात आली आहे.या प्रकरणी पुढील तपास पालघरच्या उपविभागीय पोलिस अधिकारी नीता पाडवी करीत आहेत.
