“सर्व जाती-धर्मांना सोबत घेऊन सामाजिक सलोखा आणि विकासाची वाटचाल करणारे नेतृत्व – लोकनेते हितेंद्रजी ठाकूर!”
— ॲड. दिप्ती चेतन भोईर (नगरसेविका, प्रभाग क्र. १३ तथा महिला व बाल कल्याण समिती सदस्य)
वसईच्या सामाजिक आणि सार्वजनिक जीवनात गेल्या ३५ वर्षांपासून अखंडपणे कार्यरत असलेले लोकनेते मा. श्री. हितेंद्रजी ठाकूर यांचा वाढदिवस म्हणजे केवळ एका व्यक्तीचा जन्मोत्सव नाही, तर तो त्यांच्या धडाडीच्या नेतृत्वाचा, दीर्घ सार्वजनिक प्रवासाचा आणि समाजकार्याचा गौरव करण्याचा एक सुवर्णक्षण आहे.
वसईच्या सार्वजनिक जीवनात विविध जाती-धर्मांच्या नागरिकांना विश्वासात घेऊन सामाजिक सलोखा आणि बंधुभावाचे निकोप वातावरण निर्माण करण्यात त्यांचे योगदान अत्यंत मोलाचे आहे. विविध समाजघटकांमध्ये सातत्याने संवाद आणि परस्पर सन्मान कायम राहावा, यासाठी त्यांनी नेहमीच पुढाकार घेतला असून, वसईची ही सामाजिक एकोपा व सलोख्याची ओळख आज सर्वदूर आदराची ठरली आहे.
सामान्य नागरिकांसोबतच महिला व युवकांचा सार्वजनिक जीवनातील सहभाग वाढवण्यावर त्यांचे नेहमीच विशेष लक्ष राहिले आहे. महिलांना सुरक्षिततेची जाणीव, आत्मसन्मान आणि सामाजिक क्षेत्रात पुढे जाण्यासाठी हक्काचे व्यासपीठ मिळवून देण्यात त्यांचे प्रयत्न पथदर्शी ठरले आहेत.
युवकांच्या कला, क्रीडा आणि सांस्कृतिक गुणांना योग्य दिशा देण्यासाठी ‘यंग स्टार’च्या माध्यमातून आयोजित होणाऱ्या विविध स्पर्धा या परिवर्तनाची साक्ष देतात. या हक्काच्या व्यासपीठावरून वसईतील अनेक गुणी स्पर्धकांनी राज्य व राष्ट्रीय पातळीवर आपली गुणवत्ता सिद्ध केली आहे.
तळागाळातील सामान्य कार्यकर्त्यांना हेरून त्यांना नेतृत्वाची संधी देणे आणि त्यांच्या पाठीशी खंबीरपणे उभे राहणे, हा हितेंद्रजींच्या कार्यशैलीचा सर्वात मोठा पैलू आहे. अनेक कार्यकर्त्यांना संघटनात्मक जबाबदाऱ्या देऊन त्यांना सक्षम व जनमानसात रुजलेले नेतृत्व बनवण्याचे काम त्यांनी केले आहे.
शिक्षण, क्रीडा, कला, महिला सक्षमीकरण, युवकांचा सहभाग आणि स्थानिक विकासाच्या प्रत्येक प्रश्नात नागरिकांना सहभागी करून घेत, “सर्वांना सोबत घेऊन पुढे जाणे” ही त्यांची भूमिका वसईच्या विकासाचा पाया ठरली आहे.
आजच्या या विशेष दिनानिमित्त, वसईचे वाली, लोकनेते मा. श्री. हितेंद्रजी ठाकूर यांना दीर्घायुष्य, उत्तम आरोग्य लाभो आणि त्यांच्या हस्ते अशीच जनसेवा अविरत सुरू राहो, हीच ईश्वरचरणी प्रार्थना!
वाढदिवसाच्या मनःपूर्वक हार्दिक शुभेच्छा!
शुभेच्छुक:ॲड. दिप्ती चेतन भोईर (नगरसेविका, प्रभाग क्र. १३ तथा महिला व बाल कल्याण समिती सदस्य)