पालघर नगर परिषदेतर्फे एक वेगळा उपक्रम लसीकरणासाठी सुरू केलेला आहे ज्या व्यक्ती दिव्यांग आहेत किंवा जे ज्येष्ठ नागरिक लसीकरण केंद्रावर ते येऊन लस घेऊ शकत नाहीत अशा नागरिकांसाठी पालघर नगरपरिषदेने 9766246429 हा नंबर दिला आहे, ह्या नंबर वर फोन करून त्या व्यक्तीची माहिती व नोंदणी पालघर नगरपरिषदेला केल्यावर .
पालघर नगर परिषदेतर्फे त्या व्यक्तीच्या घरी जाऊन त्यांना करोना प्रतिबंधक लस देण्यात येत आहे ,त्याची सुरुवात गुरुवार दिनांक 17 जून 2021 रोजी झाली ,त्याप्रसंगी पालघरच्या नगराध्यक्ष डॉक्टर सौ उज्ज्वला केदार काळे ,पालघर तालुका आरोग्य अधिकारी डॉ अभिजीत खंडारे ,पालघर नगरपालिकेचे नगरसेवक राजेंद्र पाटील नगरसेविका शिल्पा बाजपेयी नगरसेविका अलका राजपूत व डॉक्टर व नर्सेस उपस्थित होत्या. त्याप्रसंगी नगराध्यक्ष डॉक्टर उज्ज्वला काळे यांनी जनतेला आवाहन केले ” जनतेने पालघर नगरपालिकेच्या ह्या उपक्रमाचा लाभ घ्यावा ज्यांच्या घरात दिव्यांग आहेत व बेड रिडन ज्येष्ठ नागरिक आहेत अशांनी आपली माहिती वर दिलेल्या फोनवर नगरपालिकेला द्यावी, नगरपालिका त्यांना घरी जाऊन करोना प्रतिबंधक लस देईल”