पालघर दि. 21 : जिल्हास्तरीय खेलो इंडिया केंद्र, पालघर अंतर्गत बॉक्सिंग खेळाच्या प्रशिक्षण केंद्रात प्रशिक्षक खेळांडुची निवड करण्याकरिता अर्ज मागविण्यात आले आहेत.
देशात आंतरराष्ट्रीय पातळीवरील खेळांडु तयार व्हावेत म्हणून केंद्र सरकार व राज्य शासनाच्या संयूक्त विद्यमानाने खेलो इंडिया सेंटर अंतर्गत प्रत्येक जिल्ह्यात क्रीडा केंद्र मंजूर केले आहे. या अनुषांगाने बॉक्सिंग या खेळाकरिता जिल्हा क्रीडा संकुल समिती, पालघर येथे प्रशिक्षण केंद्र कार्यान्वित करण्यात येणार आहे.
बॉक्सिंग या खेळाच्या प्रशिक्षण केंद्राकरिता माजी सर्वोत्कृष्ट खेळाडु, अतिउच्च कामगिरी /गुणवत्ता प्रमाणपत्र, अनुभव असलेल्या क्रीडा प्रशिक्षकाची नियुक्ती बॉक्सिंग या खेळाचे प्रशिक्षण देण्याकरिता करण्यात येणार आहे. त्यासाठी प्रशिक्षकाचे वय 18 ते 45 वर्ष वयोगटातील असावे.
त्याच बरोबर 30 खेळाडु प्रशिक्षणार्थीची निवड त्यांनी संपादन केलेल्या बॉक्सिंग खेळाच्या राज्य, राष्ट्रीय, आंतरराष्ट्रीय स्तरावरील कामगिरी नुसार करण्यात येणार आहे. खेळाडुचे वय 20 वर्षा आतील असावे. खेळाडूची जन्मतारीख 1 जानेवारी 2002 नंतरची असावी. इच्छुक पात्रताधारक खेळांडुनी क्रीडा जिल्हा क्रीडा अधिकारी कार्यालय, पालघर येथे कार्यालयीन कामाकाजाच्या दिवशी व कामकाजाच्या वेळेत 26 ऑक्टोबर ते 02 नोव्हेंबर 2021 या कालावधीत सादर करावेत. अर्जासोबत आधारकार्ड व प्रमाणपत्राचा सांक्षाकित सत्यप्रती जोडाव्यात असे आवाहन जिल्हा क्रीडा अधिकारी शरद कलावंत यांनी केले आहे.