नालासोपाऱ्यात पालकांमध्ये आणि सामाजिक वर्तुळात खळबळ
नालासोपाऱ्या (पूर्व): येथील ‘कुमारी विद्यामंदिर इंग्लिश हायस्कूल’मधील कर्मचाऱ्यांनी विद्यार्थ्यांच्या बाबतीत केलेल्या गैरवर्तणुकीबाबत गंभीर तक्रार दाखल करण्यात आली आहे. या प्रकरणाची दखल घेत ‘कर्तव्य प्रतिष्ठान’ने प्रशासनाला अल्टिमेटम दिला असून, दोन दिवसांत योग्य कायदेशीर कारवाई न झाल्यास लोकशाही आणि शांततापूर्ण मार्गाने ‘आमरण उपोषण’ करण्यात येईल, असा इशारा दिला आहे.
प्रकरणाची पार्श्वभूमी व तक्रार
- नालासोपाऱ्या (पूर्व) परिसरातील ‘कुमारी विद्यामंदिर इंग्लिश हायस्कूल’मधील कर्मचाऱ्यांनी विद्यार्थ्यांसोबत केलेल्या गैरवर्तनाबाबत गंभीर तक्रार प्राप्त झाली होती.
- यापूर्वी शिक्षणाधिकारी (प्राथमिक), जिल्हा परिषद पालघर यांनी या प्रकरणाची तात्काळ चौकशी करून कारवाई करण्याचे स्पष्ट आदेश दिले होते.
- परंतु, वरिष्ठ अधिकाऱ्यांचे लिखित आदेश असूनही संबंधित अधिकाऱ्यांकडून कोणतीही प्रत्यक्ष कायदेशीर किंवा प्रशासकीय कारवाई करण्यात आली नसल्याचा आरोप कर्तव्य प्रतिष्ठानने केला आहे. यामुळे विद्यार्थ्यां व पालकांना न्याय मिळण्यापासून वंचित ठेवले जात असल्याचा आरोप होत आहे.
शिक्षण विभागाची कठोर भूमिका
- या प्रकरन गंभीर दखल घेत शिक्षण विभाग (प्राथमिक), जिल्हा परिषद पालघर यांनी गटशिक्षणाधिकारी, पंचायत समिती वसई यांना पत्र पाठवले आहे.
- श्रीमती सलमा करम हुसेन शेख यांच्या तक्रारीनुसार, शाळेतील कर्मचाऱ्यांनी पालकांच्या पाल्याबाबत केलेल्या गैरवर्तनाबाबत शासनाच्या रुळाढोल धोरणानुसार कारवाई करून तातडीने अहवाल सादर करण्याचे निर्देश दिले आहेत.
कर्तव्य प्रतिष्ठानचा अंतिम इशारा
- कर्तव्य प्रतिष्ठानच्या महाराष्ट्र अध्यक्षा दुर्गा ताई कांबळे आणि महाराष्ट्र अध्यक्ष फिरोज आलम जी यांनी प्रशासनाला दिलेल्या निवेदनात म्हटले आहे की, पुढील २ (दोन) दिवसांच्या आत या प्रकरणाची सखोल चौकशी करून दोषींवर कडक कायदेशीर कारवाई झाली पाहिजे.
- जर निर्धारित मुदतीत कारवाई झाली नाही, तर लोकशाही मार्गाने आमरण उपोषण सुरू केले जाईल. उपोषणादरम्यान कोणाच्या प्रकृतीस किंवा जीवितास काही बरे-वाईट झाल्यास त्याची संपूर्ण प्रशासकीय व कायदेशीर जबाबदारी संबंधित यंत्रणेची राहील, अशी नोंदही निवेदनात घेण्यात आली आहे.
या प्रकरणाची प्रत माहिती व योग्य कारवाईसाठी मा. पोलीस आयुक्त (मीरा-भाईंदर, वसई-विरार), वरिष्ठ पोलीस निरीक्षक (माणिकपूर पोलीस ठाणे, वसई) तसेच मा. जिल्हाधिकारी (जिल्हा पालघर) यांना पाठवण्यात आली आहे.